Daxili İşlər Nazirliyinin Şida Kartli Polis Departamentinin əməkdaşları “isti iz”lərlə keçirdikləri əməliyyat tədbirləri və istintaq hərəkətləri nəticəsində 1968-ci il təvəllüdlü E.M.-ni qəsdən adam öldürmə ittihamı ilə, onun qardaşı 1959-cu il təvəllüdlü E.M.-ni eyni cinayətin törədilməsinə köməklik etməsi faktı üzrə saxlayıblar. Məlumatı Daxili İşlər Nazirliyi yayır.

“İstintaqla müəyyən edilib ki, təqsirləndirilən şəxslər Kareli Munisipalitetində qarşılıqlı mübahisə zəminində 1996-cı il təvəllüdlü N.C.-ni qəsdən öldürmək məqsədilə əl-qolunu iplə bağlayıblar və boğublar.

Faktla bağlı Cinayət Məcəlləsinin 108-ci və 25-108-ci maddələri ilə istintaq aparılır. Cinayət 15 ilədək müddətə azadlıqdan məhrumetməni nəzərdə tutur” – Daxili İşlər Nazirliyinin məlumatında qeyd olunub.