Polis Kvemo Kartlidə qəsdən adam öldürməyə cəhd ittihamı ilə bir nəfəri saxlayıb

Daxili İşlər Nazirliyinin Kvemo Kartli Polis Departamentinin Marneuli Rayon İdarəsinin əməkdaşları həyata keçirdikləri əməliyyat tədbirləri və istintaq hərəkətləri nəticəsində 2006-cı il təvəllüdlü A. A.-nı azyaşlıya qarşı qəsdən adam öldürməyə cəhd ittihamı ilə saxlayıblar.

DİN-nin məlumatına görə, cinayət 20 ilədək ilədək müddətə azadlıqdan məhrumetməni nəzərdə tutur.

“İstintaqla müəyyən edilib ki, təqsirləndirilən şəxs qarşılıqlı mübahisə zəminində tanışı, 2009-cu il təvəllüdlü N.R.-nın bədəninin müxtəlif nahiyələrinə bıçaqla xəsarət yetirib və hadisə yerindən qaçaraq gizlənib. Xəsarət alan N.R. xəstəxanaya yerləşdirilib, hazırda ona müvafiq tibbi yardım göstərilir.

Hüquq-mühafizə orqanları əməkdaşlarının həyata keçirdikləri istintaq hərəkətləri nəticəsində A.A.-nı şübhəli şəxs qismində “isti izlər”lə saxlayıblar.

 Cinayət silahı – bıçaq sübut kimi götürülüb.

Faktla bağlı Cinayət Məcəlləsinin 19-109-cu maddəsinin “e” bəndi ilə istintaq aparılır”, – DİN-nin yaydığı məlumatda deyilib.