Polis Gürcüstana xüsusilə böyük miqdarda narkotik vasitələrin qanunsuz gətirilməsi faktı üzrə iki şəxsi saxlayıb

12:13, 01.08.2025

Daxili İşlər Nazirliyinin Mərkəzi Kriminal Polis Departamentinin Narkotiklərin Qanunsuz Dövriyyəsinə Qarşı Mübarizə Baş İdarəsinin əməkdaşları keçirdikləri kompleks əməliyyat tədbirləri və istintaq hərəkətləri nəticəsində narkotik vasitələrin qanunsuz əldə edilməsi, saxlanması və Gürcüstana qanunsuz gətirilməsi faktı üzrə əvvəllər məhkum olunmuş şəxsləri – 1972-ci il təvəllüdlü L. A.-ni və 1972-ci il təvəllüdlü Q. Ç.-ni saxlayıblar.

Cinayət 20 ilədək və ya ömürlük azadlıqdan məhrumetməni nəzərdə tutur.

Təqsirləndirilən şəxslər Gürcüstana Avropa ölkələrindən birindən Tbilisi hava limanı vasitəsilə daxil olublar.

Hüquq-mühafizə orqanlarının əməkdaşları Tbilisi beynəlxalq hava limanında L.A.-nın üzərində olan kiçik ölçülü çantadan narkotik vasitə götürüblər, Q.Ç.-nin üzərindən isə Gürcüstana bədənində gizli şəkildə gətirdiyi 336 ədəd “Subotex” adlı narkotik həb götürülüb.

Polis onların hər ikisini təqsirləndirilən şəxs qismində saxlayıb.

İstintaq Gürcüstan Cinayət Məcəlləsinin 260-cı və 262-ci maddələri ilə aparılır.

Bu barədə Daxili İşlər Nazirliyi məlumat yayır.

Müəllif - Nino Pashayeva

Hüquq