Piter Stano – Avropa İttifaqı Rusiya tərəfindən işğal edilmiş Krım və Sevastopolda keçirilmiş yerli seçkiləri pisləyir
Avropa İttifaqı Rusiya tərəfindən işğal olunmuş Krımda və Sevastopolda keçirilən yerli seçkiləri pisləyir. Bu haqda Avropa İttifaqının Xarici Siyasət Qurumunun nümayəndəsi Piter Stano tərəfindən yayılmış bəyanatda qeyd olunub.
“Avropa İttifaqı Krımda keçirilmiş dırnaqarası seçkiləri və onların nəticələrini tanımır. Onlar etibarsız sayılır və hüquqi nəticələri ola bilməz. Rusiya rəhbərliyi və bu qanunsuz əməllərin təşkilinə görə məsuliyyət daşıyanlar cavab verəcəklər. Rusiyanın Krımı işğal etməsindən və qeyri-qanuni ilhaq cəhdindən on ildən çox vaxt keçməsindən sonra Avropa İttifaqı Krımın Ukrayna olması ilə bağlı öz mövqeyini vurğulayır” – Stano yazır.
Bununla yanaşı, Piter Stanonun izah etdiyi kimi, müharibəyə son qoymağın bir yolu var ki, bu da Rusiyanın qüvvələrini Ukrayna ərazisindən çıxarmasıdır.
Sentyabrın 8-də Rusiyada bələdiyyə seçkiləri keçirilib. Səsvermə prosesi Rusiya Federasiyasının 89 tərkib hissəsindən 83-də keçirilib. Ukraynanın Xarici İşlər Nazirliyi qeyd edib ki, dırnaqarası seçkilərin nəticələri etibarsızdır, “seçkilər”in özü isə qeyri-legitimdir.