Macarıstanın xarici işlər naziri Piter Siyartonun bildirdiyinə görə, Macarıstan iki ukraynalı diplomatı casusluqda ittiham edib və onları ölkədən qovub.

Siyartonun qeyd etdiyi kimi, Ukraynanın Budapeştdəki səfirliyində diplomatik örtük altında fəaliyyət göstərdiyi iddia edilən iki “casus” mayın 9-da Macarıstandan qovulub.

“Macarlara qarşı son kampaniya əvvəlki kampaniyalarla eyni məqsəd daşıyır. Biz macarlar sülh istəyirik, müharibəyə “yox” deyirik, biz heç vaxt Ukraynaya silah verməmişik və bunu etməyəcəyikdə. Biz icazə vermədik və özümüzü bu müharibəyə sürükləmək niyyətində də deyilik”, – Siyarto bildirib.

Bununla yanaşı, Piter Siyartonun bəyanatından əvvəl Ukrayna Təhlükəsizlik Xidməti Ukrayna dövlətinə qarşı casusluq edən Macarıstan hərbi kəşfiyyat şəbəkəsini aşkarladığını bildirən məlumat yayıb.