ABŞ müdafiə naziri Pit Heqset Asiya müttəfiqlərinə minnətdarlığını bildirib, lakin Avropanı tənqid edib.

Heqsetin bildirdiyinə görə, Tramp administrasiyası “ən bacarıqlı və ağıllı, milli maraqlarını müdafiə etməyə hazır olan” müttəfiqlərlə işləməyə üstünlük verir.

“Kollektiv müdafiə məsuliyyətində öz payını götürməkdən və şərikli iştirakdan imtina edən müttəfiqlər əməkdaşlığımızda açıq dəyişikliklər görəcəklər”, – ABŞ-ın müdafiə naziri qeyd edib.

Pit Heqset Cənubi Koreyanı xüsusilə nümunəvi model kimi fərqləndirib və Asiya-Sakit okean regionu ölkələrini öz hərbi imkanlarını gücləndirdiklərinə görə tərifləyib.

ABŞ-ın müdafiə naziri Avropa və NATO-dakı uzunmüddətli tərəfdaşlarını tənqid edərək, onların “bir neçə mühüm qərar qəbul etməli olduqlarını” bildirib.