Avropalı parlamentari Petras Austreviçus “Droa” lideri Elene Xoştarianın həbs olunmasına münasibət bildirir və Gürcüstan hökumətinin insan haqlarının pozulmasına görə yüksək bədəl ödəyəcəyini bildirir.

Bu barədə Petras Austreviçus “X” sosial şəbəkəsində yazıb.

“Rus stili ilə hərəkət edən Gürcüstan polisi dünən müxalifət partiyası “Droa”nın sədri Elene Xoştariyanı həbs edib, qorxudub və aşağılayıb. Gürcüstan hökuməti insan haqlarının pozulmasına görə yüksək bədəl ödəyəcək”, – Petras Austreviçus yazır.

DİN-nin məlumatına görə, Elene Xoştarianı martın 28-də parlamentin yaxınlığında keçirilən etiraz aksiyası zamanı İnzibati Xətalar Məcəlləsinin 166 və 173-cü maddələrinə əsasən polis əməkdaşının qanuni tələbinə tabe olmamaq və xırda xuliqanlıq etdiyinə görə həbs ediblər.