Macarıstanın xarici işlər naziri Peter Siyartonun bildirdiyinə görə, NATO-nun baş katibi Mark Ruttenin son dövrdəki bəyanatları Brüsselin Donald Trampın sülh səylərinə qarşı olduğunu göstərir.

Siyarto Mark Rutteni müharibə ətrafında gərginliyi artırmağı dayandırmağa çağırıb.

Peter Siyarto öz sözlərinin sübutu kimi NATO-nun baş katibinin Berlində verdiyi bəyanatları göstərdi, orada Rutte qeyd edib ki, 5 illik dövr ərzində Rusiya NATO-ya hücum etməyə hazır ola bilər.

Macarıstan xarici işlər nazirinin qeyd etdiyi kimi, bu cür bəyanatlar kəskin və təhlükəli dəyişikliyin əlamətidir və “sülh danışıqlarına praktiki olaraq arxadan bıçaq vurur”.

Siyartonun söylədiyinə görə, Macarıstan, NATO üzvü olaraq, Avropa ölkələrinin təhlükəsizliyini Ukraynanın təmin etdiyi iddiasını rədd edir.

“Avropa ölkələrinin təhlükəsizliyinə Ukrayna deyil, NATO zəmanət verir. Ukrayna bizim üçün yox, özü üçün mübarizə aparır. Bu cür təxribat xarakterli bəyanatlar məsuliyyətsiz və təhlükəlidir”, – Macarıstanın xarici işlər naziri Peter Siyartonun fikrini Macarıstan Baş Naziri Aparatının mətbuat katibi Zoltan Kovaç dərc edir.