Biz Brüsselin Tbilisiyə qarşı hərəkətini bəyənmirik, biz Avropa İttifaqının ədalətli, ikili standartlar olmadan hərəkət etməsini istəyirik, – bu barədə Macarıstanın xarici işlər naziri Péter Siyarto Antalyada gürcü jurnalistlərə bildirib.

“Seçkilərdə nə qədər sağçı siyasətçi qalib gəlsə də, Brüsseldə demokratiyaya təhdidlərdən danışılır, Brüsseldə yalnız liberalların idarəçiliyi demokratiya hesab olunur. Bu pisdir və biz vəziyyəti yaxşılığa doğru dəyişməyə çalışacağıq”, – Siyarto qeyd edib.

Bununla yanaşı, onun dediyinə görə, Donald Tramp Ağ Evə qayıtdıqdan sonra beynəlxalq siyasət qarşılıqlı hörmətə qayıdacaq.

“İndi Prezident Trampın yenidən ofisə qayıtmasından sonra düşünürəm ki, beynəlxalq siyasət qarşılıqlı hörmətə, daha çox rasionalizmə və praqmatizmə, daha az ideologiyalaşmaya və digər ölkələrin daxili işlərinə qarışmağa qayıdacaq. Demokratik administrasiya ilə Brüsselin birlikdə başqa ölkələrin daxili işlərinə qarışaraq, təzyiq göstərməklə etdikləri həddən artıq çox idi. USAİD-in maliyyələşdirməsinin kəsilməsi çox yaxşı haldır, çünki bu, digər ölkələrin daxili işlərinə qarışan təşkilatların maliyyələşdirilməsini əhəmiyyətli dərəcədə azaldır”, – Peter Siyarto bildirib.