Onun sözlərinə görə, motoinspeksiya paytaxtın görünüşünün, ətraf mühitin çirklənməsinin və akustik səs-küyün nəzarətini, eləcə də tikinti və inzibati hüquq pozuntularına operativ reaksiya verilməsini həyata keçirəcək.

“Şəhər asayişinin qorunması və müvafiq tədbirlərin həyata keçirilməsi prioritet istiqamətlərimizdən biridir. Bu istiqamətdə bir sıra səmərəli addımlar atılıb. Bu dəfə sizi paytaxtın turizm və tarixi zonalarında, mərkəzi meydanlarda və prospektlərdə nizam-intizamla bağlı tədbirləri vaxtında və operativ şəkildə idarə etməyə kömək edəcək Tbilisi Bələdiyyə Müfəttişliyi layihəsi ilə tanış edəcəyik”, – deyə Kaxa Kaladze bildirib.

Paytaxt merinin dediyinə görə, motoinspeksiya Avropa standartlarına uyğun trisikllər, xüsusi avadanlıqlar və müasir texnologiyalarla təchiz edilib.

“Layihənin məqsədi tarixi və turizm zonalarında, mərkəzi meydanlarda və prospektlərdə şəhər asayişinin səmərəli idarə edilməsi və müvafiq tədbirlərin həyata keçirilməsidir. Bələdiyyə Müfəttişliyinin əməkdaşları xüsusi təlim keçiblər, xidmət tərəfindən 20 ədəd trisikll satın alınıb”, – Kaxa Kaladze qeyd edib.