Keçirilən əməliyyat tədbirləri və istintaq hərəkətləri nəticəsində Daxili İşlər Nazirliyinin Patrul Polisi Departamentinin Tbilisi Baş İdarəsinin əməkdaşları narkotik vasitəni qanunsuz əldə edilməsi və saxlanılması ittihamı ilə 1989-cu il təvəllüdlü R. A.-ni saxlayıblar. Məlumatı Daxili İşlər Nazirliyi yayır.

Daxili İşlər Nazirliyinin məlumatına görə, cinayət altı ilədək müddətə azadlıqdan məhrum etməni nəzərdə tutur.

“Patrul polisinin əməkdaşları R. A.-ni Tbilisidə piyada hərəkət edərkən onu yoxlamaq məqsədi ilə saxlayıblar. Hüquq-mühafizə orqanlarının əməkdaşları saxlanılan şəxsin üzərində aparılan axtarış zamanı 20 büküm şəklində qablaşdırılmış “klefedron” narkotik vasitəsini maddi sübut kimi götürüblər.

Polis R.A.-ni təqsirləndirilən şəxs qismində hadisə yerində saxlayıb.

“İstintaq Gürcüstan Cinayət Məcəlləsinin 260-cı maddəsi ilə aparılır”, – məlumatda qeyd olunur.