Parlament müxalifəti “Xarici təsirin şəffaflığı haqqında” qanunun tətbiqinin dayandırılması tələbi ilə Konstitusiya Məhkəməsinə müraciət edib.

Müxalifətçi Tamar Kordzaianın dediyi kimi, Konstitusiya Məhkəməsinin qanunun tətbiqini dayandırmaq üçün müvəqqəti tədbir görəcəyinə əmindir.

“Parlament müxalifəti vətəndaş cəmiyyəti, media, Gürcüstan Prezidenti və Gürcüstanın hər bir vətəndaşı ilə birlik içərisindədir.

Biz hesab edirik ki, “Rus qanunu” Gürcüstan Konstitusiyasını pozur, Gürcüstanın demokratiyasına xələl gətirir və biz hesab edirik ki, Konstitusiya Məhkəməsində bununla əlaqədar mübahisə etmək bizim konstitusiya öhdəliyimizdir. Parlament müxalifəti tam şəkildə birlik içərisindədir. 38 deputat şikayət ərizəsini imzalayırıq. Onların bəziləri fiziki olaraq burada deyildi, lakin onlar bu şikayət ərizəsinə qoşulurlar.

Bütün Gürcüstan “Rus qanunu”na görə “Gürcü Arzusu”na qarşı mübahisə edirik. Əminəm ki, Konstitusiya Məhkəməsi 78-ci maddəni yerinə yetirmək nöqteyi-nəzərdən öhdəliyini nəzərə alacaq və bu qanunun tətbiqinin dayandırılması üçün müvəqqəti tədbir görəcək.

Əsas və vacib olan odur ki, biz Konstitusiyanın 78-ci maddəsinə münasibətdə bütün qanunu şikayət edirik, amma birinci mərhələ odur ki, tətbiqinin dayandırılmasını istəyirik. Bu qanun seçkilərə qədər dayandırılmalıdır, əks halda bu ölkəyə geri dönməz ziyan dəyə bilər. Sanksiyalar sentyabrın 3-də qüvvəyə minəcək, ona görə də düşünürük ki, ondan əvvəl dayandırılma məsələsinin müzakirə olunacağı iclas keçirilməlidir” – Tamar Kordzaia bildirib.