Parisdə kürd mədəniyyət mərkəzinin yaxınlığında keçirilən etiraz aksiyası toqquşmaya çevrilib, hüquq-mühafizə orqanları aksiya iştirakçılarına qarşı gözyaşardıcı qazdan istifadə ediblər

Parisdə kürd mədəniyyət mərkəzinin yaxınlığında keçirilən etiraz aksiyası toqquşmaya çevrilib. Fransa polisi etirazçılara qarşı gözyaşardıcı qazdan istifadə edib.

Kürd diasporunun nümayəndələri bir neçə saat əvvəl ərazidə 3 nəfərin öldürülməsindən sonra etiraz aksiyası keçiriblər. Hücumun keçmiş qatar maşinisti 69 yaşlı fransız tərəfindən törədilməsinə baxmayaraq, etirazçılar Türkiyə Prezidenti Rəcəb Tayyib Ərdoğanın adını da səsləndiriblər.

Hüquq-mühafizə orqanları hücumun irqçilik zəminində törədildiyini hesab etsə də, motivi hələlik məlum deyil. Hücum edən şəxs keçmişdə məhkum olunmuş şəxsdir.