Gürcüstanın hökumət nümayəndə heyəti Dünya Hökumətləri Sammitində iştirak etmək üçün Birləşmiş Ərəb Əmirliklərindədir.

Gürcüstan Ədliyyə Nazirliyinin məlumatına görə, ədliyyə naziri Paata Salia sammitdə çıxış edəcək və dəyirmi masa görüşündə iştirak edəcək.

“Birləşmiş Ərəb Əmirlikləri ənənəvi olaraq fevralın əvvəlində keçirilən Dünya Hökumətləri Sammitinə ev sahibliyi edir. Gürcüstan nümayəndə heyəti Baş nazirin rəhbərliyi ilə təmsil olunur. Bu, beynəlxalq platformadır və bizə beynəlxalq ictimaiyyətlə nailiyyətlərimizi bölüşmək, həmçinin bu gün həm ölkəmizin, həm də beynəlxalq ictimaiyyətin qarşısında duran çağırışlar barədə danışmaq imkanı yaradır. Bir neçə gün ərzində müxtəlif dövlətlərin hökumət nümayəndələri ilə həm ikitərəfli, həm də çoxtərəfli görüşlər keçirmək imkanımız olacaq, bu görüşlərdə təcrübəmizi bölüşəcək və müasir dünyanın bu gün üzləşdiyi çağırışlar barədə söhbət edəcəyik”, – deyə Ədliyyə naziri Paata Salia bildirib.

Dünya Hökumətlər Sammiti Dubayda fevralın 3-5-də keçirilir.