Bu gün şəhər və kəndlərimizdə imkanları yaxşılaşdıracaq uzunmüddətli planları müzakirə etdik, – bu barədə Rustavi meri Nino Latsabidze Baş nazirin merlər, şəhər şuralarının sədrləri və dövlət nümayəndələri ilə görüşündən sonra bildirib.

Onun dediyinə görə, bu cür görüşlər bələdiyyələrin gücləndirilməsinə xidmət edir.

“Baş nazirlə bu cür görüşlər bələdiyyələrin gücləndirilməsinə xidmət edir. Şəhər və kəndlərimizdə üzləşdiyimiz bütün çağırışların öhdəsindən gələ bilməyimiz üçün yerli özünüidarəetmə nümayəndələrinə daha çox dəstək göstərmək lazımdır. Bu gün şəhər və kəndlərimizdəki imkanları yaxşılaşdıracaq uzunmüddətli planları müzakirə etdik. Əhalinin uzun müddətdir tələb etdiyi və şəhər və kəndlərin inkişafının yeni mərhələyə keçməsi üçün vacib olan layihələr planlaşdırdıq”, – Nino Latsabidze bildirib.