Nikolay Patruşev – NATO faktiki olaraq hazırda Rusiyaya qarşı müharibə aparır

NATO faktiki olaraq hazırda Rusiyaya qarşı müharibə aparır -bu barədə Rusiya Təhlükəsizlik Şurasının katibi Nikolay Patruşev açıqlayıb.

Rusiya hakimiyyətinin nümayəndəsi Şimali Atlantika Alyansının üzvlərinin Kiyevi ağır silahlar, döyüş sursatları, kəşfiyyat məlumatları ilə təchiz etdiyini və hərbi mütəxəssislərin hazırlanmasını təmin etdiyini bildirir.

Patruşev NATO üzvlərinin hərbi əməliyyatların planlaşdırılmasında və kütləvi qırğın silahlarından istifadə etməklə şantajda iştirak etdiklərini qeyd edib. Rusiya Təhlükəsizlik Şurasının katibi bildirib ki, anqlosakslar öz mənfəətləri üçün Rusiya və Avropanı hərbi qarşıdurma həddinə sürükləmək istəyirlər.

Nikolay Patruşev ABŞ, Böyük Britaniya və onların müttəfiqlərinin təkcə Rusiyanın xüsusi hərbi əməliyyatını uzatmağı deyil, həm də hərbi əməliyyatları Rusiya Federasiyası ərazisinə keçirmək istədiklərini açıqlayıb.

“Məqsəd Rusiyanı sıxışdırmaq, xəyali üstünlüyü saxlamaq, birqütblü dünyanı saxlamaq, başqalarının hesabına özünə yaşamaq imkanını təmin etməkdir. Onlar iki dünya müharibəsindən sonra etdikləri kimi, konfliktləri qızışdırmaqla, iqtisadiyyatlarının yığılmış problemlərini, o cümlədən ABŞ-da 30 trilyon dollardan çox olan nəhəng dövlət borcu problemlərini yenidən həll etmək üçün uğur gözləyirlər”- deyə Nikolay Patruşev bildirib.