Ermənistanın baş naziri Nikol Paşinyan bildirir ki, “Trampın yolu” çərçivəsində 99 və 49 illik tikinti və satış icazələrinin verilməsi üçün iki ssenari nəzərdən keçirilir.

Onun dediyinə görə, tikintiyə icazənin verilmə müddəti ətrafında müzakirələr yalnız maliyyə-iqtisadi xarakter daşıyır və siyasi tərkibə malik deyil.

“Şirkət tikinti icazəsi alacaq. İcazənin müddəti bitdikdən sonra, həmin ərazidə yerləşən əmlak Ermənistan Respublikasının nəzarətinə keçəcək, torpaq isə daimi olaraq Ermənistanın mülkiyyətində qalacaq. Şərtlərin tənzimlənməsi nəyi əhatə edir? Burada investisiyalar yatırılacaq və investorun müəyyən zəmanətlərə malik olması vacibdir ki, o, yatırdığı investisiyaları müəyyən qazancla geri qaytara bilsin. Biz desək ki, bu torpağı 5 il müddətinə veririk, heç kim investisiya qoymayacaq, çünki yatırılan vəsaitin 5 il ərzində geri qaytarılması qeyri-mümkündür”, – Paşinyan bildirib.