Axalkalaki-Qars dəmir yolu, Azərbaycan dəmir yolu kimi, artıq Ermənistandan ixrac və idxal üçün açıqdır, – bu barədə Ermənistanın Baş naziri Nikol Paşinyan bildirib.

Ermənistan hökuməti rəhbərinin sözlərinə görə, bu, ölkənin iqtisadi həyatında böyük bir hadisədir.

“Türkiyə və Gürcüstandakı tərəfdaşlarımıza təşəkkür edirik”, – deyə Nikol Paşinyan bildirir.

Paşinyanın sözlərinə görə, bu gün Ermənistanın Gürcüstan və Azərbaycan ərazisindən keçməklə Rusiya ilə, Rusiya və Qazaxıstan ərazisindən keçməklə isə Çinlə dəmir yolu əlaqəsi var. Hazırda isə ölkənin Gürcüstan və Türkiyə ərazisindən keçməklə Avropa İttifaqı ilə də dəmir yolu əlaqəsi mövcuddur.

“Yaxın gələcəkdə Ermənistan-Türkiyə, Ermənistan-Azərbaycan və daha sonra Naxçıvan vasitəsilə Ermənistan-İran dəmir yolunun açılışı baş tutacaq. Bu hadisələri yaxın gələcəkdə “Tramp marşrutu” layihəsinin həyata keçirilməsi nəticəsində görəcəyik”, – deyə Nikol Paşinyan bildirir.