Əgər kimsə düşünürsə ki, mən çadır məsələsini dayandırmışam, çox yanılır, çoxlu çadır yığılıb və hələ də yığılır, o cümlədən böyük çadırlar”, – bu barədə “Dəyişikliklər Koalisiyasının” liderlərindən biri Nika Qvaramia jurnalistlərə bildirib.

“Təsadüfi deyil ki, bir neçə tədbirdə məni görməmisiniz. Mənim başqa işim var, həm koalisiyamızda, həm də müxalifətdə biz rolları bölüşmüşüq. Çox iş var və hamımız öz istiqamətimizdə işləyirik”, – Nika Qvaramia bildirib.

Sözügedən bəyanatı Qvaramia Orbelinebi sarayını tərk etdikdən sonra jurnalistlərə şərh zamanı bildirib. Müxalifət nümayəndələri Salome Zurabişvili ilə görüşüblər. Nika Qvaramia qeyd edib ki, görüşdə gələcək planlar müzakirə olunub.

“Biz prezidentin təşəbbüslərini görmədik, ölkədə baş verənlərlə bağlı söhbətimiz oldu, müxalifət partiyalarını necə görürük və planlarımız nədən ibarətdir, bu planlar dəyişibmi və s. Əslində bu planların dəyişmədiyi aydındır, biz seçkinin nəticələrinin ləğvi üçün mübarizə aparacağıq, bunun üçün biz bütün hüquqi yollardan, məhkəmələrdən, o cümlədən ehtimal ki, Konstitusiya Məhkəməsindən istifadə edəcəyik, həmçinin, konstitusiya və konvensiyalarla icazə verilən xalq demokratiyasının sadəcə olaraq küçə adlanan yolundan istifadə edəcəyik. İstənilən halda, bu seçkilər gürcü xalqının iradəsini ifadə etmir, bunu dünyada hamı bilir”, – Nika Qvaramia bildirib.