Nensi Pelosi istefa verir

ABŞ-ın Nümayəndələr Palatasının spikeri Nensi Pelosi istefa verir. Pelosi, Respublikaçılar Partiyası Konqresin aşağı palatasında çoxluğu qazandıqdan sonra bu açıqlamanı verib.

82 yaşlı Pelosi Nümayəndələr Palatasının spikeri olan ilk qadındır. O, Konqresdə Kaliforniya ştatının nümayəndəsi kimi fəaliyyətini davam etdirir.

İlkin məlumatlara görə, Konqresin aşağı palatasında Respublikaçılar çoxluğu əldə edəcək və Nensi Pelosini, ehtimal ki, Kevin Makkarti əvəz edəcək. Bundan başqa, ilkin məlumatlara görə, demokratlar Senatda 50 mandata malik olacaqlar. Bu o deməkdir ki, vitse-prezident Kamala Harrisin həlledici səsi ilə onlar çoxluğa sahib olacaqlar.

İkinci turun təyin olunduğu Corciya ştatının nəticəsi hələ də bəlli deyil.