Biz tərəfdaşlığımızın gələcək inkişafını müəyyən edəcək Gürcüstanın ümumi demokratik dəyərlərimizə sadiqliyinin nəzərdən keçirilməsinə başlamaq qərarına gəldik, – bu barədə NATO Parlament Assambleyasının prezidenti Markos Perestrello bildirib.

Markos Perestellonun qeyd etdiyi kimi, gürcü xalqı həftələr ərzində demokratik, Avropalı Gürcüstana sarsılmaz sadiqliyini nümayiş etdirib.

“Gürcüstanın siyasi liderləri nəhayət, xalqı dinləməli və onların yaratdığı demokratik geriləməyə son qoymalıdırlar. Assambleyamız Gürcüstanın demokratik, Avropa və Avro-Atlantik istəklərini daim dəstəkləyirdi. Biz bunu yenə də davam etdiririk. Məhz buna görə də biz tərəfdaşlığımızın gələcək inkişafını müəyyən edəcək Gürcüstanın ümumi demokratik dəyərlərimizə sadiqliyinin nəzərdən keçirilməsinə başlamaq qərarına gəldik. Gürcü nümayəndə heyətinin rəhbəri Givi Mikanadzeyə göndərdiyim məktubda mən onu və gürcü nümayəndə heyətinin digər üzvlərini Gürcüstanı təcili olaraq demokratik yola qaytarmaq üçün öz təsirlərindən istifadə etməyə çağırmışam”, – Markos Perestrelo qeyd edir.