“Batumelebi” və “Netqazeti”nin təsisçisi Mzia Amağlobelinin işi üzrə yekun iclas avqustun 4-də davam edəcək.

Bu barədə az əvvəl məlum oldu.

Bugünkü prosesdə Amağlobelinin vəkili Maia Mtsariaşvili yekun sözlə çıxış edib, bundan sonra isə tərəflər cavab hüquqlarından istifadə ediblər.

Batumi Şəhər Məhkəməsində Mzia Amağlobelinin cinayət işi üzrə yekun iclas 9 saatdan çox davam edib.

Məhkəmə prosesinə paralel olaraq, Mzia Amağlobeliyə həmrəylik əlaməti olaraq xarici perimetrdə vətəndaş aktivistləri, media nümayəndələri, sadə vətəndaşlar, həmçinin aksiyalarda saxlanılan şəxslərin valideynləri toplaşmışdılar. Bununla yanaşı, məhkəmə iclasında diplomatik korpusun nümayəndələri, həmçinin, Gürcüstanın sabiq prezidenti Salome Zurabişvili də iştirak edirdi. 

Mzia Amağlobeli hüquq-mühafizə orqanlarının əməkdaşları tərəfindən Batumidə, polis baş idarəsinin yaxınlığında keçirilən aksiyada əvvəlcə 11 yanvarda inzibati qaydada saxlanıldı, daha sonra yazılı ərizə əsasında azad edildi, Daha sonra o, Cinayət Məcəlləsinin 353-cü maddəsi ilə yenidən saxlanıldı, bu da polis əməkdaşına hücum etməyi nəzərdə tutur və 4 ildən 7 ilədək müddətə azadlıqdan məhrumetməni nəzərdə tutur.