Myanmada zəlzələ nəticəsində həlak olanların sayı 1640 nəfəri ötüb

Myanmada zəlzələ nəticəsində həlak olanların sayı 1640-ı ötüb, 3400-dən çox insan xəsarət alıb, 139 vətəndaş itkin düşmüş hesab edilir.

Yenilənmiş məlumatları ölkənin hərbi rəhbərliyi yayır.

Myanmanın ikinci böyük şəhəri, zəlzələnin episentrinə ən yaxın olan Mandalayda 1500-dən çox yaşayış evi dağılıb və ya zədələnib.

Təbii fəlakət zonasında körpülər və yollar dağılıb.

Hadisə yerində axtarış-xilasetmə işləri davam etdirilir.

Zəlzələnin episentri ölkənin ikinci böyük şəhəri Mandalaydan 17 kilometr aralıda yerləşirdi.

Myanmada 7,7 və 6,4 bal gücündə zəlzələ martın 28-də baş verib. Təkanlar Tailandda və Çinin cənub-qərbindəki Yunnan əyalətində də hiss olunurdu.

Zəlzələ nəticəsində Tailandın paytaxtı Banqkokda tikilməkdə olan göydələn uçub. Hazırda hadisə yerində xilasetmə əməliyyatı aparılır. Ən azı 50 işçinin dağıntılar altında qaldığı güman edilir.