Münhen Təhlükəsizlik Konfransının sədri Volfqanq İsinqer bildirib ki, hazırda Avropanın təhlükəsizliyi Ukrayna sayəsində qorunur.

“Avropa təhlükəsizdir, çünki ukraynalılar illər ərzində öz ölkələrini qorumaq üçün qeyri-mümkün dərəcədə uzun çəkən mübarizədə güclü Rusiya ordusunu uğurla dayandırıblar”, – İsinqer bildirib.

Volfqanq İsinqerin dediyinə görə, əsl çağırışlar müharibə bitdikdən sonra başlayacaq. Onun qeyd etdiyi kimi, müharibənin bitməsi Avropada sülhü təmin etməyəcək.

“Müharibə bitəndə və silahlar susanda, Rusiyanın yenidən toparlanmağa vaxtı olacaq. İndi yükü ukraynalılar daşıyır. Müharibə başa çatdıqdan sonra isə bu yükün böyük hissəsini biz avropalılar üzərimizə götürməliyik”, – İsinqer qeyd edib.

Münhen Təhlükəsizlik Konfransının sədri bildirib ki, ABŞ-ın yeni təhlükəsizlik strategiyası Avropa üçün ideoloji çağırışdır.