İran donanması düşmənlərinə yeni məğlubiyyətlərin acısını daddırmağa hazırdır, – İran dövlət televiziyasının məlumatına görə, bu barədə İranın ruhani Lideri Müctəba Xamenei bildirib.

Xameneinin bildirdiyinə görə, İran ordusu ABŞ-ın, Pəhləvi rejiminin qalıqlarının və separatçıların İranı parçalamaq istəyən bəd niyyətli planlarına qarşı çıxıb.

“İslam ordusu, əvvəlki iki müharibədə olduğu kimi, indi də özünə məxsus suları, torpağı və bayrağı cəsarətlə müdafiə edir. Güclü ilahi və xalq dəstəyinə arxalanaraq, silahlı qüvvələrin digər döyüşçüləri ilə birlikdə kompakt və möhkəm sıralarda dayanır, küfr və təkəbbür cəbhəsinə qarşı mübarizə aparır və dünyanın gözü qarşısında onların zəifliyini və alçalmasını ifşa edir. Onun dronları da eynilə ildırım kimi Amerika və sionist cinayətkarlara hücum edir. İranın cəsur donanması düşmənlərinə yeni məğlubiyyətlərin acısını daddırmağa hazırdır”, – bəyanatda deyilib.