Milli Statistika Xidmətinin göstəricilərinə görə, 2026-cı ilin yanvar ayında Gürcüstanın xarici ticarət dövriyyəsi (bəyan edilməmiş ticarət istisna olmaqla) 1 609,9 milyon ABŞ dolları təşkil edib ki, bu da əvvəlki ilin müvafiq dövrü ilə müqayisədə 23,6 faizlə azdır.

MSX-nın məlumatına görə, ixrac 480,4 milyon ABŞ dolları təşkil edib, yəni 19,0 faiz artıb, idxal isə 1 129,5 milyon ABŞ dolları olub – azalma 33,7 faiz təşkil edib.
Gürcüstanın 2026-cı ilin yanvar ayında mənfi ticarət balansı 649,1 milyon ABŞ dolları təşkil edib ki, bu da xarici ticarət dövriyyəsinin 40,3 faizini təşkil edir.

Bununla yanaşı, qurumun hesabatına görə, 2026-cı ilin yanvar ayında Gürcüstanın ümumi xarici ticarət dövriyyəsində on ən böyük ticarət tərəfdaşının payı 67,9 faiz təşkil edib. Ölkənin ən böyük ticarət tərəfdaşları 247,1 milyon ABŞ dollarla Türkiyə, 223,3 milyon ABŞ dollarla Çin və 195,4 milyon ABŞ dollarla Rusiya olub.