Milli Statistika Xidmətinin məlumatına əsasən, ilk övladını dünyaya gətirən ananın orta yaş həddi artıb. Təbii hərəkət statistikasına əsasən, 2013-cü ildə ilk övladını dünyaya gətirən ananın orta yaş həddi 26,4 olub, 2023-cü ildə isə bu rəqəm 29,3 yaşa yüksəlib.

2023-cü ildə doğulanların ümumi sayında 2013-cü illə müqayisədə ilk doğuşların xüsusi çəkisi 45,3 faizdən 37,7 faizə qədər azalıb. Üçüncü və sonrakı doğuşların xüsusi çəkisi isə 16,7 faizdən 27,5 faizə qədər artıb. Bununla yanaşı, ailədə doğulan ikinci körpələrin xüsusi çəkisi 4,6 faiz bəndi azalıb.

Bununla yanaşı, Milli Statistika Xidmətinin məlumatına əsasən, 2023-cü ildə qeydə alınmamış nikahlarda 15 816 uşaq doğulub, bu da diri doğulanların 39,3 faizini təşkil edir. Qeyd edilməlidir ki, qeydə alınmış nikah olmadan doğumun qeydiyyat statusunun iki növü var: qeydə alınan doğulmuşlar
a) valideynlərin birgə ərizəsi ilə;
b) yalnız ananın ərizəsi ilə.

Nikahdankənar yalnız ananın ərizəsi ilə qeydiyyata alınmış doğulanların xüsusi çəkisi 2023-cü ildə 14,4 faiz təşkil edir. Qurumun tədqiqatına əsasən, Gürcüstanda ölü doğulanların sayı və ümumi ölü doğum əmsalı azalma tendensiyası ilə xarakterizə olunur.