“Milli Hərəkat”ın sədri Tina Bokuçava və partiyanın siyasi katibi Qiorqi Baramidze Moldova prezidenti Maia Sanduri, baş nazirin müavini və xarici işlər naziri Mihay Popsoi ilə görüşüblər. Partiyanın mətbuat xidməti məlumat yayır.

Bokuçavanın görüşdən sonra bildirdiyiinə görə, Kişinyovda Moldovanın müstəqillik günü münasibətilə “Veymar üçbucağı” liderlərinin səfəri, Avropa İttifaqının Moldovanın Avropa İttifaqına üzv olması istiqamətində göstərdiyi səyləri dəstəklədiyini təsdiqləyir.

Onun dediyinə görə, Avropada gürcü xalqını da gözləyirlər və Gürcüstanın beynəlxalq gündəmdən çıxmaması üçün xarici cəbhədə səyləri ikiqat artırmaq vacibdir.

“Biz bu gün həm Moldovanın Prezidenti Maia Sandu, həm də xarici işlər naziri ilə görüş keçirdik. Bu görüş, dünən baş vermiş tarixi hadisənin – Moldovanın müstəqillik gününün qeyd olunması və onun Avropaya inteqrasiyasının dəstəklənməsi münasibətilə burada, Kişinyovda “Veymar üçbucağı”nın üç lideri – Emmanuel Makron, Donald Tusk və Fridrix Mertsin iştirakı fonunda baş tutdu və bu, bir daha təsdiqləyir ki, Avropa İttifaqı Moldovanın Aİ-yə üzvlüyü istiqamətində bütün səylərini səfərbər edir, bu isə öz növbəsində sülhün, azadlığın və Avropa rifahının əsas təminatıdır. Bu gün İvanişvilinin cinayətkar dəstəsi bu fürsəti əlimizdən alır, Avropada isə bizi, gürcü xalqını gözləyirlər. Bu imkan bizim əlimizdədir, ona görə də xarici cəbhədə səylərimizi ikiqat artırmaq lazımdır ki, Gürcüstan beynəlxalq gündəmdən, həmçinin, ölkə daxilindən kənarda qalmasın və bu prosesləri sinxronlaşdıraraq, rejim dəyişikliyinə nail ola bilək və Gürcüstanı Avropaya inteqrasiya yoluna qaytara bilək”, – Tina Bokuçava bildirib.