Devdoraki vadisində təhlükə səviyyəsi hazırda minimaldır, suyun səviyyəsi əvvəlki göstəriciyə qayıdıb və daşqınlar və sürüşmə prosesləri qeydə alınmır, – bu barədə Milli Ətraf Mühit Agentliyi məlumat yayır.

Məlumatda qeyd olunur ki, agentlik yolun açılması ilə bağlı tövsiyə verib.

Ətraf Mühitin Mühafizəsi və Kənd Təsərrüfatı Nazirliyinin Milli Ətraf Mühit Agentliyinin məlumatına görə, cari ilin 31 iyul tarixində Dəvdorak vadisində yerləşdirilmiş xəbərdarlıq sistemi tərəfindən sürüşmə prosesi qeydə alınıb; Sistem dərhal Larsi sərhəd-keçid məntəqəsinə həyəcan siqnalı göndərdi; Operativ şəkildə yol hərəkəti məhdudlaşdırıldı. 

Əlavə təhlükələrin qiymətləndirilməsi məqsədilə, Milli Ətraf Mühit Agentliyinin mütəxəssisləri tərəfindən, dronlar vasitəsilə Devdorak-Amali vadisinin baxışı və mümkün təhlükələrin qiymətləndirilməsi həyata keçirildi.

Bol atmosfer yağıntı Ğazbeqi munisipalitetində, Tərqi çayının qollarında sel axınlarının formalaşmasına səbəb olub. Bu baxımdan Ğuro və Çxere çaylarının vadiləri və Tsdo kəndi yaxınlığında Terek çayının sağ qolunda inkişaf etmiş və Terek çayının məcrasını müvəqqəti bağlamış yüksək sıxlıqlı sel axını xüsusilə qeyd olunmalıdır. Hazırda yaranmış gölməçə açılıb və vadi üçün təhlükə yaratmır. Həmçinin, güclü sel axını Amali-Devdoraki çayının yatağında baş verib, lakin bu hadisə Dariali vadisində mövcud olan infrastruktur obyektlərinə təsir göstərməyib.

Məlumat üçün bildirək ki, bu cür xəbərdarlıq sisteminin effektivliyi yol infrastrukturu yaxınlığında yerləşən vadilərdə sınaqdan keçirilmiş və təsdiqlənmişdir. Qeyd olunan sistem zərurət yarandıqda nəqliyyatın hərəkətini ən qısa müddətdə məhdudlaşdırmağa imkan verir”, – Milli Ətraf Mühit Agentliyinin yaydığı məlumatda deyilib.