Gürcüstan Milli Bankının bu gün dərc etdiyi statistika ilə məlum olur ki, pul köçürmələrinin maksimum payı Avropa İttifaqı ölkələrinin payına düşür, 45,1%-ə bərabərdir və 109,3 milyon ABŞ dolları təşkil edir.

Milli Bankın məlumatına görə, Aİ ölkələrindən İtaliya, Almaniya və Yunanıstanın ümumi pul köçürmələrində yüksək payı var.

“ABŞ-dan pul köçürmələrinin həcmi hələ də yüksək templə artır və ümumi həcmə mühüm töhfə verir. Yanvar ayının göstəricilərinə görə, ABŞ-dan ölkəyə daxil olan pul köçürmələrinin həcmi 47,3 milyon ABŞ dolları təşkil edib ki, bu da ötən ilin eyni dövrü ilə müqayisədə 23,2% çoxdur.

Bununla yanaşı, 2025-ci ilin yanvar ayında ölkəyə daxil olan pul köçürmələrinin ümumi həcmi 8,5% azalaraq 242,4 milyon ABŞ dolları təşkil edib. Pul köçürmələrinin həcminin azalması əsasən Rusiyadan pul köçürmələrinin azalması ilə bağlıdır.

Bununla yanaşı, Qazaxıstandan pul köçürmələri azalmaqda davam edir. Məlumat üçün bildirək ki, 2025-ci ilin yanvar ayında Gürcüstandan xaricə 28,2 milyon ABŞ dolları göndərilib ki, bu da ötən ilin analoji dövrünün göstəricisindən 8,4% çoxdur”, – Milli Bankın məlumatında qeyd olunub.