Gürcüstan Prezidenti Mixeil Ğavelaşvili Gürcüstanda diplomatik missiyada olan Macarıstanın fövqəladə və səlahiyyətli səfiri Ana Maria Şiko ilə görüşüb.

Vida görüşündə Mixeil Ğavelaşvili diplomata Gürcüstanda uğurlu fəaliyyətinə və Gürcüstan-Macarıstan sıx tərəfdaşlığının inkişafına verdiyi mühüm töhfəyə görə təşəkkür edib.

Gürcüstan Prezidentinin görüşdə qeyd etdiyi kimi, Macarıstanın Gürcüstanın prioritetlərinə güclü və aydın dəstəyi, həmçinin Gürcüstanın milli maraqlarına hörmət etməsi iki ölkə arasında fərqli münasibətlərin daha bir bariz təsdiqidir.

“Bizim üçün Gürcüstan ilə Macarıstan arasında qarşılıqlı hörmətə və ortaq dəyərlərə əsaslanan sıx və dostluq münasibətləri çox vacibdir. Biz sizin səylərinizi və ölkələrimiz arasındakı əlaqələrin dərinləşməsində verdiyiniz mühüm töhfəni qiymətləndiririk”, – Mixeil Ğavelaşvili bildirib.

Gürcüstan Prezidenti səfirə gələcək fəaliyyətində uğurlar arzulayıb.

Görüş Prezident sarayında keçirilib.

Məlumatı Gürcüstan Prezidentinin Administrasiyası yayır.