Mixeil Ğavelaşvili – İran Prezidenti ilə görüş zamanı qeyd etdim ki, Gürcüstan regionda sülhə, sabitliyə və gərginliyin azaldılmasına yönəlmiş bütün səyləri dəstəkləyir

Prezident Fezeşkiana Gürcüstanın suverenliyi və ərazi bütövlüyünü dəstəklədiyinə görə təşəkkür etdim, – bu barədə Gürcüstanın prezidenti Mixeil Ğavelaşvili sosial şəbəkədə yazır.

Ğavelaşvilinin qeyd etdiyi kimi, Gürcüstan regionda sülhə, sabitliyə və gərginliyin azaldılmasına yönəlmiş bütün səyləri dəstəkləyir.

“Tehrana səfərim çərçivəsində regionun və dünyanın müxtəlif ölkələrinin liderləri ilə birlikdə Ayətullah Əli Xameneinin dəfn mərasimində iştirak etdim.

Səfər çərçivəsində İran İslam Respublikasının Prezidenti Məsud Fezeşkianla görüşdüm. İranda baş vermiş faciəvi hadisələrlə bağlı bir daha başsağlığı verdim və həlak olanların xatirəsini ehtiramla yad etdim.

Görüş zamanı qeyd etdim ki, Gürcüstan regionda sülhə, sabitliyə və gərginliyin azaldılmasına yönəlmiş bütün səyləri dəstəkləyir.

Ölkələrimiz arasındakı münasibətlər qarşılıqlı hörmətə və milli maraqların nəzərə alınmasına əsaslanır. Prezident Fezeşkiana Gürcüstanın suverenliyi və ərazi bütövlüyünə verdiyi dəstəyə görə təşəkkür etdim.