Mən idmançılarımızın, fiqurlu konkisürmə iştirakçılarının çıxışını izlədim. Bütün Gürcüstan bayrağımızın belə böyük və uğurlu ölkələrlə yanaşı dalğalanmasından qürur duyur, – bu barədə Gürcüstan Prezidenti Mixeil Ğavelaşvili bildirib.

Onun sözlərinə görə, İtaliya Qış Olimpiya Oyunlarına möhtəşəm şəkildə ev sahibliyi edir.

“Qeyd etmək istərdim ki, bunlar çox yaxşı təşkil olunmuş Qış Olimpiya Oyunlarıdır. İtaliya onlara möhtəşəm şəkildə ev sahibliyi edir. Birinci gün müxtəlif ölkələrin liderləri ilə yanaşı, Beynəlxalq Olimpiya Komitəsinin qəbulunda iştirak etmək imkanım oldu. Bu formatda bir çox xoş görüşlərimiz oldu. Növbəti gün İtaliya Prezidentinin qəbulu oldu. Mən həmçinin idmançılarımızın, fiqurlu konkisürmə iştirakçılarının çıxışını izlədim. Bütün Gürcüstan bayrağımızın belə böyük və uğurlu ölkələrlə yanaşı dalğalanmasından qürur duyur. Bu Olimpiya Oyunlarında tarixi nəticənin əldə olunacağına böyük ümid bəsləyirik”, – Ğavelaşvili qeyd etdi.