Qanunsuz miqrasiyaya qarşı mübarizə çərçivəsində Gürcüstan Daxili İşlər Nazirliyinin Miqrasiya Departamentinin əməkdaşları xüsusi immiqrasiya nəzarəti tədbiri keçirib.

Daxili İşlər Nazirliyinin məlumatına görə, əldə edilmiş məlumat əsasında departamentin əməkdaşları tərəfindən Gürcüstanda qanuni əsas olmadan xarici ölkə vətəndaşlarının müəyyən edilməsi məqsədi daşıyan tədbir çərçivəsində konkret yerlərdə yoxlamalar aparılıb.

“Kompleks tədbir nəticəsində 28 xarici ölkə vətəndaşı saxlanılıb. Onların arasında Hindistan, İran, Sudan, Banqladeş, Nepal, Nigeriya, Türkiyə, Türkmənistan, Misir, Livan, İordaniya, Çin, Küveyt və Rusiya vətəndaşları var.

Saxlanılan şəxslərin “Əcnəbilərin və vətəndaşlığı olmayan şəxslərin hüquqi statusu haqqında” Gürcüstan qanunu ilə müəyyən edilmiş tələbləri pozaraq ölkədə olduqları müəyyən edilib.

Hazırda saxlanılan şəxslər Miqrasiya Departamentinin müvəqqəti yerləşdirmə mərkəzinə yerləşdirilib. Onların ölkədən çıxarılması məqsədi ilə müvafiq prosedurlar aparılır.

“Əcnəbilərin və vətəndaşlığı olmayan şəxslərin hüquqi statusu haqqında” Gürcüstan Qanununun səmərəli icrasını təmin etmək üçün Miqrasiya Departamenti mütəmadi olaraq xüsusi immiqrasiya nəzarəti həyata keçirir”, – Daxili İşlər Nazirliyinin məlumatında qeyd olunur.