Qanunsuz miqrasiyaya qarşı mübarizə çərçivəsində, Daxili İşlər Nazirliyinin Miqrasiya Departamentinin əməkdaşları xüsusi immiqrasiya nəzarəti tədbiri keçiriblər.

Əldə olunmuş məlumat əsasında tədbir çərçivəsində Departamentin əməkdaşları tərəfindən müəyyən məkanlar yoxlanılıb. Bu, Gürcüstanda qanuni əsas olmadan yaşayan xarici ölkə vətəndaşlarının aşkar edilməsinə yönəlib.

Kompleks tədbir nəticəsində 33 xarici ölkə vətəndaşı saxlanılıb. Onların arasında Qana, İraq, Pakistan, Çin, Yəmən, Türkiyə, Türkmənistan, Hindistan və Banqladeş vətəndaşları var. Müəyyən edilib ki, onlar ölkədə “Əcnəbilərin və vətəndaşlığı olmayan şəxslərin hüquqi statusu haqqında” Gürcüstan qanununda müəyyən edilmiş tələbləri pozaraq qalırdılar.

Hazırda qeyd olunan şəxslər Miqrasiya Departamentinin müvəqqəti yerləşdirmə mərkəzində saxlanılırlar. Onların ölkədən çıxarılması məqsədilə müvafiq prosedurlar aparılır.

Miqrasiya Departamenti Gürcüstanın “Əcnəbilərin və vətəndaşlığı olmayan şəxslərin hüquqi statusu haqqında” Qanununun səmərəli icrasını təmin etmək üçün mütəmadi olaraq xüsusi immiqrasiya nəzarəti həyata keçirir.

Daxili İşlər Nazirliyi məlumat yayır.