Ermənistanın yolu əcnəbilərin hegemon məqsədlərinə çatmaq üçün bir alət deyil, həqiqətən də sülh və inkişaf yolu olması təmin edilməlidir, – bu barədə İran prezidenti Məsud Fezeşkian Ermənistanın baş naziri ilə söhbəti zamanı bildirib.

İran mediasının məlumatına əsasən, Fezeşkian Ermənistanın suverenliyinin qorunub saxlanmasının və İrəvan-Bakı tranzit dəhlizinin həyata keçirilməsinə heç bir hərbi və ya təhlükəsizlik qüvvələrinin müdaxilə etməməsinin vacibliyini vurğulayıb.

İran prezidenti Ermənistanın baş nazirini ABŞ tərəfinin mümkün addımları barədə xəbərdar edib. O bildirib ki, bu addımlar iqtisadi investisiyalar və sülhün təmin edilməsi adı altında Cənubi Qafqaz bölgəsində hegemon məqsədlərin həyata keçirilməsinə xidmət edə bilər.