Medianın məlumatına görə, Ukrayna qüvvələri Krımda Rusiyanın hərbi-sənaye kompleksi üçün işləyən iri titan istehsalı zavoduna zərbə endirib

Ukrayna silahlı qüvvələri Krımda iri titan zavoduna zərbə endirib.

Medianın məlumatına görə, pilotsuz sistemlər Armyanskdakı titan zavoduna hücum həyata keçirib.

Ukrayna Pilotsuz Sistemlər Qüvvələrinin komandanı Robert Brovde bildirib ki, zavod Şərqi Avropanın ən böyük titan dioksid istehsalçılarından biridir və Rusiya hərbi-sənaye kompleksi üçün işləyir.

“Obyektiv monitorinq zərəri təsdiqləyib. Yanğın şiddətlə davam edir. Zavodda istehsal dayandırılıb”, – deyə o bildirib.

Rusiya tərəfi də hadisə ilə bağlı şərh verib. Armyanski “administrasiyasının rəhbəri” Vasili Telijenko “Telegram”da yazıb ki, hücum zamanı zavodda olub.