Türkiyədə Rusiyaya məxsus “Orlan-10” kəşfiyyat dronu qəzaya uğrayıb.

Ölkənin Daxili İşlər Nazirliyinin məlumatına görə, hadisə ölkənin şimal-qərb hissəsində, Kocaeli şəhəri yaxınlığında baş verib.

Nazirliyin ilkin qiymətləndirmələrinə görə, pilotsuz uçuş aparatı kəşfiyyat və müşahidə məqsədləri üçün istifadə edilirdi. Onların məlumatına görə, hadisə ilə bağlı istintaq başlanıb.

Yayılan məlumata görə, dron sakinlər tərəfindən aşkar edilib və dərhal yerli hakimiyyət orqanlarına məlumat verilib. Medianın məlumatına görə, hələlik naməlumdur, dron vurulub, yoxsa uçuş aparatında texniki nasazlıq olub.

Məlumat üçün bildirək ki, bu, son bir həftə ərzində Türkiyədə dronla bağlı ikinci hadisədir. Bundan əvvəl, dekabrın 16-da media Türkiyə qırıcılarının Qara dəniz üzərində pilotsuz uçuş aparatını vurduğu barədə məlumat yaymışdı. Türkiyə hakimiyyəti pilotsuz uçuş aparatının hansı ölkəyə aid olduğunu bəyan etməyib.