Media – ABŞ və İran arasında vasitəçi olan Pakistan Silahlı Qüvvələrinin rəhbəri Asim Munir vasitəçilik missiyası ilə Tehrandadır

Pakistan Silahlı Qüvvələrinin rəhbəri Asim Munir ABŞ və İran arasında vasitəçi kimi vasitəçilik missiyası ilə Tehrandadır. Yayılan məlumata görə, o, dini liderin ətrafı ilə görüşməlidir.

Asim Munirin ABŞ prezidenti Donald Trampla birbaşa əlaqədə olduğu və şəxsən ona hesabat verdiyi məlumdur.

Pakistan mənbələri xəbər verir ki, Prezident Tramp ötən həftə telefon danışığı zamanı Munirdən İranı danışıqlar masasına qaytarmağı xahiş edib.

Tramp administrasiyası bu gündən etibarən İrana qarşı “maliyyə hücumuna” keçməyi planlaşdırır. Maliyyə naziri Skott Besentin bildirdiyinə görə, “rəqibə qarşı indiyədək həyata keçirilmiş ən böyük maliyyə hücumuna başlanılacaq”.

“Prezident, istifadə etməyə ehtiyacımız olmayacağını düşündüyümüz bütün o qurumların, strukturların və səlahiyyətlərin işə salınması üçün şərait yaratdı”, – Besent “X” sosial şəbəkəsində yazır.

Medianın yazdığına görə, İran ABŞ-ın bütün növ neft ixracatını dayandıracağına dair hədə-qorxularına məhəl qoymayıb və bildirib ki, beynəlxalq dəniz daşımaları qaydaları pozulacağı təqdirdə, Hörmüz boğazından keçən gəmilərin hərəkətinə məhdudiyyətlər qoyulacaq, o cümlədən onlar cərimələnəcək və ya saxlanılacaq. Həmçinin gəmilərin müsadirə olunması da mümkündür.