Mədəniyyət nazirinin müavini Qiorqi Mirtsxulava Rio-de-Janeyronun “Vidancar” rəqs məktəbini ziyarət edib və tədris prosesi ilə tanış olub

Gürcüstanın mədəniyyət nazirinin müavini Qiorqi Mirtsxulava, Gürcüstanın Braziliya Federativ Respublikasındakı fövqəladə və səlahiyyətli səfiri Zurab Mçedlişvili və nazirliyin beynəlxalq əlaqələr departamentinin rəhbəri Zurab Bakuradze ilə birlikdə Rio-de-Janeyronun “Vidancar” rəqs məktəbini ziyarət edib və tədris prosesi ilə tanış olub.

Tədris müəssisəsində dövlət və özəl sektorun birgə iştirakı ilə sosial cəhətdən həssas ailələrin uşaqları rəqs, incəsənət və təhsil üzrə dərslərdə ödənişsiz iştirak edirlər.

Tədris müəssisəsi klassik balet, hip-hop, müasir rəqs və breykdans üzrə 500-dən çox iştirakçını özündə birləşdirir.

Məktəbin bir çox məzunu Bolşoy Balet Məktəbi (Joinville, Braziliya) və Rionun məşhur Mariya Oleneva adına Rəqs Məktəbi kimi nüfuzlu təhsil müəssisələrində təqaüd qazanıb. Tədris müəssisəsinin üç təhsil alan şəxsi isə dünyanın aparıcı balet məktəbləri – Paris Operasının Balet Məktəbi və Mayami Balet Akademiyası tərəfindən öz təhsil proqramlarına qəbul edilib.

Görüşdə tərəflər xoreoqrafiya təhsili sahəsində gələcək əməkdaşlıq və peşəkar təcrübə mübadiləsi imkanlarını müzakirə ediblər.

Qonaqların şərəfinə məktəbin şagirdləri bir neçə nömrə ifa ediblər.

Mədəniyyət Nazirliyi məlumat yayır.