Gürcüstanın Katolikos-Patriarxı, Həzrət və Müqəddəs II İlianın dəfn mərasimi ilə əlaqədar olaraq, Müqəddəs Üçlük Məbədinin ətraf ərazisində 22 mart da daxil olmaqla nəqliyyatın hərəkəti məhdudlaşdırılıb, – bu barədə Tbilisi meriyası məlumat yayır.

Onların məlumatına görə, həmin ərazidə hərəkət edən bələdiyyə nəqliyyatının sxemi dəyişir.

“Saingilo küçəsindən Qumbri və Samreklo küçələri vasitəsilə “Avlabari” metro stansiyası istiqamətində hərəkət edən 434, 478, 479, 522 və 576 nömrəli mikroavtobuslar Saingilo küçəsindən Davit Tsimakuradze küçəsi istiqamətində hərəkətini davam etdirəcək, bundan sonra Corc Buş, Lex Kaçinski küçələri və Ketevan Dedopali prospekti vasitəsilə “Avlabari” metro stansiyasına birləşəcək.

Əks istiqamətdə hərəkət edərkən adı çəkilən mikroavtobuslar Avlabari Meydanı, Nikipore İrbaxi, Aleksandre Tsurtsumia, Qriqol Kobaxidze, Martğopi Küçəsi və Martğopi dönüş küçələri vasitəsilə hərəkət edəcək, bundan sonra isə müəyyən edilmiş sxem üzrə hərəkətlərini davam etdirəcəklər.

Avlabari istiqamətində hərəkət edərkən 525 nömrəli mikroavtobus da yuxarıda qeyd olunan sxemə uyğun olaraq hərəkət edəcək.

391 nömrəli marşruta gəlincə, avtobus hərəkətini İvane Cavaxişvili küçəsindən Avropa Meydanı istiqamətində davam etdirəcək, daha sonra Nikoloz Barataşvili yoxuşu vasitəsilə Ketevan Dedopali prospekti ilə birləşəcək, əks istiqamətdə isə Lex Kaçinski və Boçormi küçələri, Ketevan Dedopali prospekti, Barataşvili yoxuşu, Kosta Xetaqurov küçəsi ilə hərəkət edəcək, Cavaxişvili küçəsindən isə müəyyən edilmiş sxem üzrə hərəkətini davam etdirəcək.

Katolikos-Patriarx 17 martda 93 yaşında vəfat etdi. O, 22 martda Sioni Məbədində dəfn olunacaq”, – Tbilisi meriyasının yaydığı məlumatda deyilib.