Marko Rubio Sergey Lavrovla bu gün Kuala Lumpurda görüşəcək
ABŞ-ın dövlət katibi Marko Rubio Rusiyanın xarici işlər naziri Sergey Lavrovla görüşəcək. Görüş bu gün Malaiziyanın paytaxtı Kuala Lumpurda keçiriləcək.
“Yerli vaxtla saat 18:00-də dövlət katibi Rubio Rusiyanın xarici işlər naziri Sergey Lavrovla Kuala Lumpurda görüşəcək”, – Dövlət Departamentinin yaydığı bəyanatda deyilib.
Xatırladaq ki, Rubio Malaizyaya Cənub-Şərqi Asiya Ölkələri Assosiasiyasının (ASEAN) xarici işlər nazirlərinin illik görüşündə iştirak etmək üçün səfər edib.