ABŞ dövlət katibi Marko Rubionun bildirdiyinə görə, Rusiya xarici işlər naziri Sergey Lavrov görüşdə Rusiya-Ukrayna müharibəsinə “yeni və fərqli yanaşma” təklif edib.

Rubionun dediyinə görə, Lavrovla “səmimi və vacib söhbəti” olub.

Marko Rubionun qeyd etdiyi kimi, Vaşinqton üçün Ukraynadakı müharibənin başa çatdırılması üçün yol xəritəsini görmək vacibdir.

“Mən bunu sülhün təminatı adlandırmazdım, lakin bu, bu gün prezidentə çatdıracağım konsepsiyadır”, – Marko Rubio qeyd edib.

Bununla yanaşı, Rubionun bildirdiyinə görə, ABŞ prezidenti Donald Tramp Rusiya tərəfinin Ukrayna ilə bağlı “daha ​​çox çeviklik” göstərməməsindən məyusdur.

“Biz başa düşürük ki, bütün bunlar vaxt və səbr tələb edir, lakin daha çox irəliləyiş əldə edilmədiyinə görə məyusuq”, – Marko Rubio qeyd edib.