Marko Rubio bildirir ki, hazırkı mərhələdə ABŞ ilə Kuba arasında dinc danışıqlar yolu ilə razılığın əldə olunma ehtimalı yüksək deyil

ABŞ Dövlət Katibi Marko Rubio bildirir ki, hazırkı mərhələdə ABŞ ilə Kuba arasında dinc danışıqlar yolu ilə razılığın əldə olunma ehtimalı yüksək deyil. Hərçənd, o, eyni zamanda qeyd etdi ki, Amerika Birləşmiş Ştatları hər zaman danışıqlara üstünlük verir.

“Səmimi deyim, bilirsiniz ki, hazırda kiminlə qarşı-qarşıya olduğumuzu nəzərə alsaq, razılığa gəlmək ehtimalı yüksək deyil. Lakin əgər onlar mövqelərini dəyişsələr, bilirsiniz ki, biz buradayıq. Bu arada isə biz nə lazımdırsa, onu etməyə davam edəcəyik”, – deyə Rubio bildirib.

Bununla yanaşı, onun sözlərinə görə, Kuba ABŞ-ın 100 milyon dollar dəyərində humanitar yardım göndərmək təklifini qəbul edib.

ABŞ Dövlət Katibi həmçinin bildirib ki, ABŞ prezidenti həmişə amerikalıların təhlükəsizliyini birinci yerə qoyacaq.

“Biz hər zaman diplomatik həll yoluna üstünlük veririk. Lakin, Amerika Birləşmiş Ştatlarının milli təhlükəsizliyinə bir təhdid yaranarsa, prezidentin bu təhdidin qarşısını almaq üçün təkcə hüququ deyil, həm də öhdəliyi var”, – deyə ABŞ Dövlət Katibi bildirib.