“Xarici agentlərin qeydiyyatı haqqında akt” Gürcüstanda demokratiyanın bastırılması məqsədilə “Gürcü Arzusu” partiyası tərəfindən atılmış daha bir sərt addımdır – bu barədə Estoniyanın xarici işlər naziri Marqus Tsahkna sosial şəbəkədə yazıb.

Onun söylədiyinə görə, bu qanun demokratiyanın əsas prinsiplərini pozur və Gürcüstanı Avropa İttifaqına doğru gedən yoldan uzaqlaşdırır.

“Bu gün qüvvəyə minmiş “Xarici agentlərin qeydiyyatı haqqında akt” Gürcüstanda “Gürcü Arzusu” partiyası tərəfindən demokratiyanın bastırılması məqsədilə atılmış daha bir sərt addımdır. Qanun demokratiyanın əsas prinsiplərini pozur, tənqidçiləri, vətəndaş cəmiyyətini və medianı susdurur və Gürcüstanı Avropa İttifaqına doğru gedən yoldan uzaqlaşdırır”, – deyə Marqus Tsahkna yazıb.