Mamuka Xazaradze və Badri Caparidzeni saxlayıblar

18:48, 23.06.2025

“Lelo” partiyasının liderləri Mamuka Xazaradze və Badri Japaridzeni məhkəmənin qərarı əsasında saxlayıblar.

Hüquq-mühafizə orqanlarının əməkdaşları Xazaradze və Caparidzenin olduğu “Lelo” ofisinə gələrək, onlara ittiham aktını təqdim ediblər.

Hüquq-mühafizə orqanlarının əməkdaşları “Lelo” liderlərinin əvvəlcə polis bölməsinə, yoxsa birbaşa cəzaçəkmə müəssisəsinə aparılacağını dəqiqləşdirməyiblər.

Mamuka Xazaradze və Badri Japaridze Gürcüstan parlamentinin müvəqqəti istintaq komissiyasının tələbini yerinə yetirməməkdə ittiham edilərək, Tbilisi Şəhər Məhkəməsi tərəfindən bu gün səkkiz ay müddətinə azadlıqdan məhrum ediliblər, həmçinin, onlara iki il müddətinə vəzifə tutmaq qadağan edilib.

Müəllif - Nino Pashayeva

Hüquq

Siyasət