“Lelo – Güclü Gürcüstan”ın lideri Mamuka Xazaradze bəyan edir ki, “Lelo – Güclü Gürcüstan” seçkilərdə iştirakla bağlı qərarını dəyişməyəcək.

Bu barədə Xazaradze Rustavi cəzaçəkmə müəssisəsini tərk etdikdən sonra jurnalistlərə bildirib.

“Güclü Gürcüstan” seçkilərlə bağlı qərarını artıq qəbul edib. Prezidentin bu günkü qərarı isə açıq şəkildə göstərir ki, məqsəd müxalifət cəbhəsində qarışıqlıq və qarşıdurma yaratmaqdır. Mübarizə taktikalarımız fərqli olsa da, hamımızın məqsədi birdir. Bu məqsəd ölkəmizin Avropa gələcəyi, yeni parlament seçkilərinin təyin olunması, siyasi və vicdan məhbuslarının azad edilməsidir. Bu məqsəd uğrunda “Lelo – Güclü Gürcüstan” heç vaxt xəyanət etməyib və mübarizəsini davam etdirəcək. Digər məsələlərə gəlincə, mən hamıya hörmətlə yanaşıram, lakin qərarı müstəqil şəkildə biz verəcəyik. Seçkilərdə iştirakla bağlı qərarı isə biz həbsdə olduğumuz vaxt vermişik”, – deyə Mamuka Khazaradze bildirib.

“Lelo – Güclü Gürcüstan”ın lideri Mamuka Xazaradze bir az əvvəl Rustavi cəzaçəkmə müəssisəsini tərk edib. Bu gün Gürcüstan prezidenti Mixeil Ğavelaşvili Mamuka Xazaradze və Badri Caparidzeni əfv edib.