Bu seçkilər qeyri-legitim idi və onun beynəlxalq ictimaiyyət tərəfindən legitimləşdirilməsi mümkün deyil, olmayacaq, – bu barədə “Güclü Gürcüstan” koalisiyasının lideri Mamuka Xazaradze bildirib.

Onun dediyinə görə, beynəlxalq tərəfdaşları məlumatlandırmaq və cəlb etmək vacibdir.

“Bugünkü görüş çox məlumatlandırıcı idi, onlar çox şey öyrəndilər. Biz onlara hər gün daxil olan çox güclü arqumentlər və pozuntular təqdim etdik.

Beynəlxalq tərəfdaşların məlumatlandırılması və cəlb edilməsi çox vacibdir. Onlar razı getdilər. Sabah, ertəsi gün, növbəti günlərdə daha çox məlumat verəcəyik, çünki bu seçkilər qeyri-legitim idi və onun beynəlxalq ictimaiyyət tərəfindən legitimləşdirilməsi mümkün deyil, olmayacaq”, – Xazaradze qeyd edib.

Məlumat üçün bildirək ki, müxalifət birliyinin liderləri səfirliklərin nümayəndələri ilə görüşüblər. Xüsusi ilə görüşdə, “Dəyişiklik Naminə Koalisiya”, “Güclü Gürcüstan” və “Birlik – Milli Hərəkat” partiyalarının nümayəndələri iştirak edirdilər. “Qaxaria-Gürcüstan naminə” partiyasının üzvləri iclasda iştirak etməyiblər.