Maka Boçorişvili Qətər Xarici İşlər Nazirliyinin baş katibi ilə görüşüb

Gürcüstanın xarici işlər naziri Maka Boçorişvili ikitərəfli siyasi məsləhətləşmələrin dördüncü raundu çərçivəsində Qətər Dövlətinin Xarici İşlər Nazirliyinin baş katibi Əhməd Həsən Əl-Həmmadi ilə görüş keçirib.

Gürcüstan Xarici İşlər Nazirliyinin məlumatına görə, görüşdə tərəflər iki ölkə arasında əməkdaşlıq gündəliyini və ticarət-iqtisadi əlaqələrin dərinləşdirilməsi imkanlarını müzakirə ediblər.

Əməkdaşlığı daha da intensivləşdirməyə hazır olduqları bildirilib və yüksək səviyyəli səfərlərin mübadiləsinin vacibliyi vurğulanıb.