Avropa İttifaqı özümüzü görmək, Qərb ölkələri ilə eyni səviyyədə olmaq, Avropa İttifaqı və NATO-da olmaq istədiyimiz yerdir. Bizim NATO və Avropa İttifaqı ilə çox güclü əməkdaşlığımız olub və var, – bu barədə Xarici İşlər Naziri Maka Boçorişvili Yeni Dehlidə “Raizina Dialogue 2025” beynəlxalq konfransı çərçivəsində keçirilən panel müzakirəsində bildirib.

Onun dediyinə görə, Gürcüstan NATO-nun sülhməramlı layihələrinə töhfə verirdi və 2014-cü ildən Avropa İttifaqının assosiativ tərəfdaşıdır.

“Avropa İttifaqı özümüzü görmək, Qərb ölkələri ilə eyni səviyyədə olmaq, Avropa İttifaqı və NATO-da olmaq istədiyimiz yerdir. Bizim NATO və Avropa İttifaqı ilə çox güclü əməkdaşlığımız olub və var. Gürcüstan, məsələn, Əfqanıstanda həyata keçirilən sülhməramlı layihələrə öz töhfəsini verirdi. Biz orada, NATO üzvü olmayan bir dövlət olaraq, bir nömrəli kömək edən olmuşuq.

2014-cü ildən isə biz Avropa İttifaqının assosiativ tərəfdaşlarıyıq, bizim Dərin və Hərtərəfli Azad Ticarət Sazişimiz var, bu da Avropa bazarına inteqrasiya imkanı deməkdir. On il keçdi və bu, kifayət qədər intensiv prosesdir. Qeyd etməliyəm ki, Gürcüstan Avropa İttifaqının digər tərəfdaşları ilə müqayisədə daha da irəliləməyə müvəffəq olub, islahatlar baxımından çox şey əldə etmişik, bu da bizim üçün faydalıdır və müxtəlif reytinq siyahılarına söhbət gəldikdə, məsələn, korrupsiyaya qarşı mübarizədə və ya açıq idarəetmə və biznes sahəsində lider mövqelərdə olmağımıza kömək edir. Bütün bunlar bizim illər ərzində apardığımız çox strukturlaşdırılmış islahatlar gündəliyi ilə bağlıdır”, – deyə Maka Boçorişvili bildirib.

Onun dediyinə görə, Avropa İttifaqı Gürcüstan üçün mühüm tərəfdaş olaraq qalır.